کراچی( پاکستان پوائنٹ نیوز27۔جولائی۔2018ء ) الیکشن کمیشن نے این اے 249وچ شہباز شریف دی دوبارہ گنتی دی درخاست رد کر دتی اے، این اے 249کراچی توں تحریک انصاف دے امیدوار فیصل واوڈا کامیاب ہو ئے سن۔ میڈیا رپورٹس مطابق مسلم لیگ (ن) دے صدر شہباز شریف نے عام انتخابات2018وچ این اے 249کراچی توں وی الیکشن وچ حصہ لیا سی، این اے 249وچ میاں شہباز شریف تے تحریک انصاف دے امیدوار فیصل واوڈا وچکار مقابلا سی۔
جدکہ الیکشن دے نتیجے آنا شروع ہوئے تے شہباز شریف جت رہے سن پر بعدوں فیصلا فیصل واوڈا دے حق وچ آیا۔ جیہدے اُتے شہباز شریف نے این اے 249وچ دوبارہ گنتی دی درخاست کیتی سی۔ پر ریٹرننگ افسر نے شہباز شریف دی ووٹاں دی دوبارہ گنتی دی درخاست رد کر دتی اے۔چیتے رہوے کہ این اے 249کراچی توں تحریک انصاف دے امیدوار فیصل واوڈا کامیاب ہوئے سن۔
