کراچی( پاکستان پوائنٹ نیوز27۔جولائی۔2018ء ) پاکستان تحریک انصاف نے حکومت بنان لئی سیاسی رابطے شروع کر دتے نیں۔ پی ٹی آئی تے ایم کیو ایم وچکار ٹیلی فونک رابطہ ہویا اے۔ میڈیا رپورٹس مطابق پاکستان تحریک انصاف دے رہنما جہانگیر ترین نے خالد مقبول صدیقی نال ٹیلی فونک رابطہ کیتا اے۔ حکومت بنان لئی دوواں پارٹیاں وچکار ایہ پہلا رابطہ اے۔ جہانگیر ترین نے حکومت بنان لئی خالد مقبول صدیقی نوں رلکے بیٹھن دی دعوت دتی اے۔
دوویں پارٹیاں وچکار چھیتی ملاقات دی آس اے۔ جدکہ خالد مقبول صدیقی دا ایس حوالے نال کہنا اے کہ جہانگیر ترین نے فون کر کے ملاقات دی دعوت دتی اے۔ جہانگیر ترین نے آکھیا کہ کراچی وچ ساڈے دوواں دی نمائندگی اے۔دوویں جماعتاں وچ سانجھ اے،ایس لئی رلکے گل بات کیتی جا سکدی اے۔ جہانگیر ترین نے آکھیا کہ گل بات لئی ساڈے بوہے کُھلے نیں۔ جہانگیر ترین نے آکھیا کہ تہانوں مینڈیٹ ملیا اے تے کراچی لئی کم کرو۔ وسیلیاں مطابق دوویں پارٹیاں وچکار کل ملاقات ہوئے گی جتھے اوہ حکومت بنان لئی مذاکرات کرن گے۔
