لاہور( پاکستان پوائنٹ نیوز26۔جولائی۔2018ء ) پاکستان تحریک انصاف دے چیئرمین عمران خان نے اج الیکشن وچ جت مگروں قوم نال خطاب کیتا۔ عمران خان دی تقریر نوں پاکستانی میڈیا دے نال نال انٹرنیشنل میڈیا اُتے وی لائیو وکھایا گیا، عمران خان دی تقریر اُتے اوہناں دے چاہن والیاں نے جذباتی ردعمل دا وکھالا کیتا اے۔ اک سوشل میڈیا ورتیندڑ دا کہنا سی کہ مینوں پہلی وار لگ رہیا اے کہ اک وزیر اعظم پاکستان انسان دی زبان بول رہیا اے، کِنے چنگے تے مناسب اکھراں دی ورتوں کیتی گئی اے۔
اک سوشل میڈیا ورتیندڑ دا کہنا سی کہ میں عمران خان دی تقریر سُندے ای اپنیاں اکھاں اُتے قابو نہیں رکھ سکیا
اک سوشل میڈیا ورتیندڑ دا کہنا سی کہ عمران خان پرچی نال نہیں آئے بلکہ اوہ اک ایسے منتخب وزیراعظم ہون گے جیہناں نے کئی پاکستانیاں دے دل جتے نیں۔
اک ورتینڈر نے عمران خان دی تعریف کردے ہوئے آکھیا کہ شکر اے سانوں ایس طرحاں دا وزیراعظم ملیا اے جو لکھی ہوئی تقریر نہیں کر رہیا اے۔
اک ورتیندڑ دا کہنا سی کہ میں بہت جذباتی ہو رہی آں ایہ سبھ اک خاب وانگ لگ رہیا اے۔ عمران خان بطور وزیر اعظم؟میں بہت خش آں۔
اک ورتیندڑ نے آکھیا کہ لمے چِر مگروں اک لیڈر پرچی دے بغیر قوم نال خطاب کر رہیا اے۔
چیتے رہوے کہ عمران خان نے اج الیکشن2018وچ کامیابی مگروں پہلی وار قوم نال خطاب کیتا۔
