لاہور( پاکستان پوائنٹ نیوز19۔جولائی۔2018ء ) پنجاب سرکار نے سرکاری ملازماں دے ہاؤس رینٹ وچ 50فیصد وادھا کر دتا اے، سرکاری ملازماں نوں بنیادی تنخاہ دا 50فیصد ہاؤس رینٹ دتا جائے گا ،تنخاہ وچ وی 10فیصد ایڈہاک دی بنیاد اُتے وادھا کیتا گیا اے۔ میڈیا رپورٹس مطابق پنجاب سرکار نے سرکاری ملازماں لئی رینٹ اُتے گھر لین لئی وڈا فیصلا کیتا اے۔ حکومت نے ملازماں لئی گھر ورگی نعمت نوں مُکھ رکھدے ہوئے ہاؤس رینٹ وچ وادھا کر دتا اے، تاں جے سرکاری ملازم گھر ورگی نعمت دی سہولت توں فائدہ چُک سکن۔
پنجاب سرکار ولوں جاری نوٹی فکیشن وچ دسیا گیا اے کہ پنجاب سرکار نے سرکاری ملازماں د ے ہاؤس رینٹ وچ وادھا کر دتا اے۔ پنجاب سرکار نے ہاؤس رینٹ الاؤنس وچ وادھے دا نوٹی فکیشن وی جاری کر دتا اے۔ سرکاری ملازماں نوں بنیادی تنخاہ دا 50فیصد ہاؤس رینٹ الاؤنس دتا جائے گا۔ ایس طرحاں پنجاب سرکار نے سارے ملازماں دے ایڈہاک الاؤنس دی منظوری وی دے دتی اے۔ جیہدے تحت سرکاری ملازماں دی بنیادی تنخاہ اُتے 10فیصد ایڈہاک الاؤنس دتا جائے گا۔
