اثاثے کیوں لُکائے

اسلام آباد( پاکستان پوائنٹ نیوز18۔جولائی۔2018ء ) سپریم کورٹ نے سندھ اسمبلی دے حلقہ پی ایس 16قمبر شہداد کوٹ توں تحریک انصاف دے رہنما محمد علی دی نااہلی دا فیصلا برقرار رکھدے ہوئے اوہناں دی اپیل رد کر دتی۔ جسٹس عظمت سعید دی سربراہی وچ سپریم کورٹ دے دو رکنی بنچ نے پی ٹی آئی رہنما محمد علی دی درخاست اُتے سنوائی کیتی۔ عدالت نے قرار دتا کہ پی ایس 16قمبر شہداد کوٹ توں امیدوار محمد علی اثاثیاں بارے وضاحت نہیں دے سکے۔ سپریم کورٹ نے محمد علی دی نااہلی خلاف اپیل رد کرد ے ہوئے ہائی کورٹ دا فیصلا برقرار رکھیا۔ چیتے رہوے کہ ریٹرننگ افسر نے اثاثے لُکان دے الزام وچ پی ٹی آئی رہنما محمد علی دے کاغذات نامزدگی رد کیتے سن۔