اسلام آباد( پاکستان پوائنٹ نیوز18۔جولائی۔2018ء ) ایون فیلڈ ریفرنس کیس وچ سزا پان والے سابق وزیر اعظم نواز شریف تے اوہناں دی دھی مریم نواز نوں اڈیالا جیل وچ 5دن ہو گئے نیں پر دوویں اجے تیکر جیل دے ماحول دے عادی نہیں ہوئے۔ نجی ٹی وی چینل مطابق دوویں پیو دھی جیل وچ حبس تے گرمی دی وجہ توں بہت پریشان نیں۔ جیل وسیلیاں دا کہنا اے کہ میاں نواز شریف ڈاڈھے حبس دی وجہ توں کئی وار گھبراہٹ دا اظہار کر چکے نیں، ایس توں وکھ دوویں مچھر دی موجودگی بارے وی دس چکے نیں۔
جیل حکام دا کہنا اے کہ جیل وچ سویر شام مچھر مار سپرے کیتا جاندا اے پر برسات دے موسم دی وجہ توں جیل وچ مچھر بُہت اے۔ایس توں وکھ اج نواز شریف تے اوہناں دے داماد کیپٹن (ر) صفدر نوں جیل وچ لوہے دیاں منجھیاں وی دے دتیاں گئیاں نیں۔
