راولپنڈی( پاکستان پوائنٹ نیوز16۔جولائی۔2018ء ) چیف آف آرمی سٹاف جنرل قمر جاوید باجوہ نال افغان صدر نے ٹیلی فونک رابطہ کیتا اے، رابطے دوران افغان صدر نے پاکستان وچ ہون والے تازہ دہشت گردی دے واقعیاں تے جاناں چلے جان اُتے ہرکھ دا وکھالا کیتا۔ پاک فوج دے شعبہ تعلقات عامہ( آئی ایس پی آر) مطابق آرمی چیف جنرل قمر جاوید باجوہ نوں افغان صدر نے ٹیلی فون کیتا اے۔
افغان صدر نے پاکستان وچ تازہ دہشت گردی دے واقعیاں اُتے ہرکھ دا وکھالا کردے ہوئے دھماکیاں وچ جانی نقصان اُتے تعزیت وی کیتی۔ ایس موقعے تے افغان صدر نے پاک افغان سرحد اُتے سکیورٹی انتظامات ہور بہتر بنان دی یقین دہانی کروائی۔ افغان صدر نے آکھیا کہ پاک افغان بارڈر اُتے سکیورٹی ہور بہتر بناواں گے۔ ایس طرحاں پاکستان وچ وی الیکشن دوران پاکستانی سکیورٹی فورسز نال تعاون کراں گے۔ افغان صدر دی یقین دہانی تے اوہناں دے جذبات اُتے آرمی چیف جنرل قمر جاوید باجوہ نے اوہناں دا شکریہ ادا کیتا۔
