مستونگ دھماکا:بی اے پی رہنما سراج رئیسانی سنے 20بندے ہلاک

مستونگ( پاکستان پوائنٹ نیوز13۔جولائی۔2018ء ) بلوچستان عوامی پارٹی دے رہنما آپ مارو دھماکے دے نتیجے وچ شہید ہوگئے۔ میڈیا رپورٹس مطابق مستونگ دے علاقے درینگڑھ وچ اج آپ مارو دھمکا ہویا۔ لیویز وسیلیاں دا کہنا اے کہ بم دھماکے وچ بی اے پی رہنما سراج رئیسانی دے قافلے نوں نشانہ بنایا گیا اے۔ بم دھماکے دے نتیجے وچ سراج رئیسانی سنے20بندے ہلاک تے 35توں ودھ زخمی ہو گئے نیں۔ دھماکا اوس ویلے ہویا جدوں سراج رئیسانی دا قافلا درینگڑھ وچ انتخابی مہم لئی رُجھیا(مصروف) سی۔ دھماکے مگروں سکیورٹی فورسز نے علاقے وچ سرچ آپریشن شروع کردتا اے۔ دوجے پاسے زخمیاں نوں ڈاکٹری امداد لئی ہسپتال اپڑا دتا گیا اے۔