اسلام آ باد( پاکستان پوائنٹ نیوز11۔جولائی۔2018ء ) نواز شریف نے ڈان لیکس دی ذمے واری قبول کرلی، ڈان لیکس میٹنگ دوران جو کُجھ آکھیا گیا اوہ میں ای آکھیا سی پر میری صلاح منن دی بجائے ڈان لیکس دا جھیڑا کھڑا کر دتا گیا، ہن جیل جانا پئے یاں پھانسی چڑھایا جائے پر ہن پیر نہیں رُکن گے، ایس مشکل ویلے اُتے اپنی قوم نوں اکلا نہیں چھڈ سکدا، جیل دی کوٹھری اپنے ساہمنے ویکھ کے وی پاکستان واپس جا رہیا واں، ووٹ نوں عزت دو دا وعدہ پورا کرن جا رہیاواں، نواز شریف دا لندن وچ ورکرز کنونشن نال خطاب۔
تفصیل مطابق اج لندن وچ ورکرز کنونشن نال خطاب کردے ہوئے سابق وزیر اعظم نواز شریف دا کہنا سی کہ ہن جیل جانا پئے یاں پھانسی چڑھایا جائے، پر ہن اوہناں دے پیر نہیں رُکن گے۔ اوہناں دا کہنا سی کہ ایس مشکل ویلے اُتے اپنی قوم نوں اکلا نہیں چھڈ سکدا۔ جیل دی کوٹھری اپنے ساہمنے ویکھ کے وی پاکستان واپس جا رہیا واں۔نواز شریف دا کہنا سی کہ’ ووٹ کو عزت دو‘ دا وعدہ پورا کرن جا رہیاواں۔ورکرز کنونشن دوران اوہناں دا کہنا سی کہ ڈان لیکس میٹنگ دوران جو کُجھ آکھیا گیا اوہ میں ای آکھیا سی پر میری صلاح منن دی بجائے ڈان لیکس دا جھیڑا کھڑا کر دتا گیا۔
