اسلام آباد( پاکستان پوائنٹ نیوز06۔جولائی۔2018ء ) احتساب عدالت دے جج محمد بشیر نے ایون فیلڈ ریفرنس کیس وچ سابق وزیر اعظم نواز شریف، اوہناں دی دھی مریم نواز تے داماد کیپٹن (ر) صفدر نوں سزاواں سُنا دتیاں نیں۔سزاواں دے نال نال نواز شریف تے مریم نواز نوں جرمانہ وی کیتا گیا۔ احتساب عدالت دے جج محمد بشیر نے ایون فیلڈ ریفرنس کیس دا فیصلا سُنایا تے کرپشن مافیا خلاف بولن والے بندیاں وچ خشی دی لہر دوڑ گئی۔
احتساب عدالت دے جج محمد بشیر دے ایس فیصلے نوں جتھے سلاہیا گیا اوتھے محمد بشیر دے ناں دا مطلب وی وائرل ہویا۔ احتساب عدالت دے جج ’بشیر‘ دا مطلب خشخبری دین والا اے۔ سوشل میڈیا ورتیندڑاں دا کہنا اے کہ بغیر کسے شک دے اج احتساب عدالت دے جج نے پوری قوم نوں خشخبری ای سُنائی تے شریف خاندان نوں سزا دے کے اوہناں دی جائیداد ویچن مگروں حاصل کیتی جان والی رقم نوں قومی خزانے وچ جمع کروان دا حکم وی دتا۔
سوشل میڈیا اُتے احتساب عدالت دے جج محمد بشیر نوں ایہ فیصلا دین اُتے سلاہیا(سراہا)جا رہیا اے تے اوہناں دے فیصلے دی تعریف کیتی جا رہی اے۔ورتیندڑاں دا کہنا ا ے کہ محمد بشیر اصل وچ ’خشخبری دین والا‘ ثابت ہوئے نیں۔ اوہناں نے جمعے دے دیہاڑے ای قوم نوں خشخبری سنا دتی۔ایس توں وکھ اُردو پوائنٹ اُتے ناواں تے اوہناں دے مطلب لئی اک وڈا سیکشن موجود اے۔ ایس سیکشن وچ محمد بشیر دا مطلب ’بشارت دین والا‘ تے اوہناں دا موافق دن جمعہ تے پیر اے۔
