ڈیرا غازی خان( پاکستان پوائنٹ نیوز05۔جولائی۔2018ء ) مسلم لیگ (ن) نوں این اے 189توں وڈا جھٹکا لگا اے۔ مسلم لیگ (ن) دے نااہل رہنما نے عدالتوں اہل ہوندے ای جیپ دے نشان اُتے الیکشن لڑن دا اعلان کر دتا۔ تفصیل مطابق لاہور نوں مسلم لیگ (ن) دا گڑھ سمجھیا جاندا اے پر چالو (موجودہ) صورتحال وچ مسلم لیگ (ن) نوں ڈاڈھی مزاحمت دا ساہمنا کرنا پے رہیا اے۔ مجموعی طور اُتے مسلم لیگ (ن) ایس ویلے اپنے اوکھے ترین دور توں لنگھ رہی اے۔
اک پاسے مسلم لیگ (ن) دی مرکزی قیادت کرپشن کیساں وچ پھسی ہوئی اے تے دوجے پاسے مسلم لیگ (ن) دے وڈے وڈے ناواں نے پارٹی دیاں غلط پالیسیاں مگروں (ن) لیگ نال ہتھ کردے ہوئے ، اوہنوں ہور مشکل وچ پھسا دتا اے۔ تازہ اطلاع مطابق سردار میر بادشاہ قیصرانی دی گھر والی ،این اے 189توں مسلم لیگ (ن) دی امیدوار نے عدالتوں اہل قرار دتے جان مگروں جیپ وچ سوار ہون دا اعلان کیتا۔پر ہن سردار میر بادشاہ قصیرانی وی آزاد حیثیت نال جیپ دے نشان اُتے الیکشن لڑن گے۔ چیتے رہوے کہ مسلم لیگ (ن) دے ناراض رہنما چودھری نثار علی خان وی آزاد حیثیت نال الیکشن لڑ رہے نیں۔ چودھری نثار علی خان نوں وی الیکشن کمیشن ولوں جیپ دا نشان الاٹ کیتا گیا اے۔
