اسلام آباد( پاکستان پوائنٹ نیوز06۔جولائی۔2018ء ) احتساب عدالت نے اج ایون فیلڈ ریفرنس کیس دا فیصلا سُنا دتا۔ میڈیا رپورٹ مطابق احتساب عدالت دے بند کمرے وچ جج محمد بشیر نے ملزماں دے وکیلاں نوں روسٹرم اُتے سد کے ایون فیلڈ ریفرنس کیس دا فیصلا سُنایا۔ احتساب عدالت نے ایون فیلڈ ریفرنس کیس وچ سابق وزیر اعظم نواز شریف اُتے 8ملین پاؤنڈ جرمانہ تے مریم نواز شریف اُتے 2ملین پاؤنڈ جرمانہ وی کیتا۔ عدالت نے جائیداد ضبط کرن تے اوہنوں ویچ کے پیسے قومی خزانے وچ جمع کروان دا حکم وی دتا۔ فیصلا سُنان ویلے عدالتی کمرہ بھریا ہویا سی پر مسلم لیگ (ن) دی مرکزی قیادت عدالت دے اندر یاں باہر وکھالی نہیں دتی۔ جدکہ میڈیا نوں وی کمرہ عدالت توں باہر کڈھ دتا گیا سی۔
احتساب عدالت نے نواز شریف نوں 10 تے مریم نواز نوں 7سال قید دی سزا تے جرمانہ سُنا دتا
6 سال پچھے
