لاہور( پاکستان پوائنٹ نیوز03۔جولائی۔2018ء ) مون سون دیاں بارشاں نے (ن) لیگ دی پنج ورھیاں دی کارکردگی دا بھیت کھول دتا اے۔ پچھلی رات ہون والی طوفانی بارش دی وجہ توں پورا لاہور ڈُب گیا اے۔ تے اک ای بارش نے (ن) لیگ دے لاہور نوں پیرس بنان دے دعوے نوں پانی وچ بہا دتا اے۔ پاکستان مسلم لیگ (ن) دے صدر شہباز شریف نوں لاہور نوں پیرس آکھن اُتے تنقیددا نشانہ بنایا جاندا اے۔
کیونکہ جدوں وی لاہور وچ بارش ہوندی اے تے پورا لاہور ڈُب جاندا اے۔ ایس بارے گل بات کردے ہوئے تحریک انصاف دے چیئرمین عمران خان دا کہنا سی کہ شہباز شریف لاہور نوں پیرس آکھدے نیں پر پیرس وچ بارش ہوئے تے ایہ حالت نہیں ہوندی ۔ پر ہن سوشل میڈیا اُتے کُجھ پیرس دیاں تصویراں وی ساہمنے آئیاں نیں۔ تصویراں وچ بارش ہون مگروں پیرس دی صورتحال نوں ویکھیا جا سکدا اے کہ اوتھے وی بارش مگروں سڑکاں اُتے پانی جمع ہو جاندا اے۔ انج لگدا اے کہ لاہور نوں پیرس آکھن اُتے شہباز شریف اُتے کیتی جان والی ایویں اے۔ ۔چیتے رہوے کہ لاہور سنے پنجاب دے کئی شہراں وچ طوفانی بارش نے پچھلا 38ورھیاں دا ریکارڈ توڑ دتا اے۔
