لاہور( پاکستان پوائنٹ نیوز03۔جولائی۔2018ء ) پی ٹی آئی چیئرمین عمران خان نے پاناما فیصلے بارے وڈی گل آکھ دتی۔ عمران خان دا کہنا اے کہ پاناما فیصلا نواز شریف نوں جیل نہ اپڑا سکیا تے سارے قیدی آزاد کرا دیواں گا۔قومی اخبار دی اک رپورٹ مطابق چیئرمین پاکستان تحریک انصاف عمران خان دا کہنا اے کہ جے پاناما فیصلا نواز شریف نوں جیل نہ اپڑا سکیا تے سارے قیدی آزاد کرا دیواں گا۔
اک پروگرام دوران جدوں عمران خان کولوں سوال کیتا گیا کہ نواز شریف دا فیصلا جو آنا اے ہو سکدا اوہنوں لاگو کروان دی ذمے واری تہاڈی ہو جائے تے کیہ کرو گے؟جواب وچ عمران خان دا کہنا سی کہ جے نواز شریف نوں جیل وچ نہیں پایا گیا تے سارے قیدیاں نوں آزاد کرا دیواں گا۔ عمران خان دا کہنا سی کہ تُسیں جے وڈے وڈے مجرماں نوں قانون ہیٹھ لیاؤ گے تے نِکے نِکے مجرم آپے ٹھیک ہو جان گے۔
پاکستان وچ پیسے والا ہر ناجائز کم کر سکدا اے پر بغیر پیسے والا جائز کم وی نہیں کروا سکدا۔ عمران خان دا زلفی بخاری دے معاملے اُتے گل بات کردے ہوئے کہنا سی کہ جتھوں تیکر زلفی بخاری دی گل اے میں اوہنوں کال نہیں کیتی ایس ویلے عدالت وچ اوہناں دا کیس اے۔ عمران خان دا کہنا سی کہ اک باہرلے ملک دے شہری نوں پُچھے بغیر بلیک لسٹ وچ پا دتاگیا۔جے ایس معاملے نوں سیاسی طور اُتے ویکھو گے تے میرے خیال نال سیاسی طور اُتے احسن اقبال نے زلفی بخاری دا ناں ای سی ایل وچ پوایا۔
