شوہر نوں ٹکٹ کیوں دتا؟بیوی نے عمران خان دے گھر باہر دھرنا دے دتا

لاہور( پاکستان پوائنٹ نیوز29۔جون2018ء ) پاکستان تحریک انصاف نے پی پی 14وچ (ق) لیگ نال سیٹ ایڈجسٹمنٹ کر لی۔ پاکستان تحریک انصاف نے (ق) لیگ دے رہنما راجا بشارت نوں ٹکٹ جاری کر دتا، جیہدے مگروں راجا بشارت ہن ’ٹریکٹر‘ چلان مگروں ’بلا‘ گھمان گے۔ راجا بشارت (ق) لیگ دے سابق صوبائی وزیر قانون وی رہ چکے نیں۔ راجا بشارت دا کہنا اے کہ اوہ الیکشن بلے دے نشان اُتے لڑن گے پر اوہ تحریک انصاف وچ رلتی نہیں ہوئے۔

جدکہ سابق ایم پی اے سیمل کامران نے پی پی 14توں راجا بشارت نوں ٹکٹ جاری کرن اُتے عمران خان دے گھر باہر دھرنا دے دتا اے۔ سیمل کامران دا کہنا اے کہ عمران خان کول کوئی اک امیدوار وی پی پی 14توں کھڑا کرن لئی نہیں اے۔ سیمل کامران دا کہنا اے کہ عمران خان نے غلط بندے نوں ٹکٹ دتا اے۔ راجا بشارت اُتے کئی مقدمے نیں۔ سیمل کامران دا کہنا اے کہ اوہ راجا بشارت دی بیوی اے پر راجا بشارت کئی مقدمیاں وچ مطلوب اے۔ تحریک انصاف صرف حکومت وچ آن لئی (ق) لیگ ورگیاں جماعتاں نال سیٹ ایڈجسٹمنٹ کر رہی اے۔