ملتان( پاکستان پوائنٹ نیوز29۔جون2018ء ) پاکستان مسلم لیگ (ن) دے سینئر رہنما و سابق وفاقی وزیر مخدوم جاوید ہاشمی نے آکھیا اے کہ الیکشن توں دستبردار ہو کے انتخابی سیاست توں باہر جا رہیا واں، 11حلقیاں توں ایم این اے بن گیا واں، ہمیشہ قومی سیاست کیتی، سیاست دا ا ک فیز ختم دوجا شروع ہو رہیا اے، (ن) لیگی امیدواراں دی حمایت کراں گا۔ اوہناں نے اج ملتان وچ پریس کانفرنس کردے ہوئے آکھیا کہ انتخابی سیاست توں باہر جا رہیا واں۔
انتخابات توں دستبردار ہو گیا واں۔ قومی اسمبلی دے دو حلقیاں توں کاغذات جمع کروائے سن ۔ جاوید ہاشمی نے آکھیا کہ سیاست دا اک فیز ختم ہو یا اے، دوجے فیز دی شروعات ہو رہی اے۔ میں ہمیشہ قومی سیاست کیتی۔ 11حلقیاں توں ایم این اے بن چکیا واں۔ اوہناں نے آکھیا کہ مسلم لیگ (ن) لئی اوکڑاں ودھ گئیاں نیں۔ مسلم لیگ (ن) دے امیدواراں دی حمایت کراں گا۔ مسلم لیگ (ن) نے دہشت گردی تے بجلی دی لوڈشیڈنگ ختم کیتی، سڑکاں بنائیاں۔
