لندن( پاکستان پوائنٹ نیوز28۔جون2018ء ) مریم نواز نے ہسپتال وچ زیر علاج کلثوم نواز دی تازہ تصویر جاری نہ کرن دی وجہ دس دتی اے۔ تفصیل مطابق سابق وزیراعظم نواز شریف دی دھی مریم نواز نے لندن وچ اپنی ماں دی صحت دے حوالے نال میڈیا نوں دس دتا اے۔ پرچا کاراں نال گل بات کردے ہوئے مریم نواز نے ہسپتال وچ زیر علاج کلثوم نواز دی تازہ ترین تصویر جاری نہ کرن دی وجہ وی دسی دتی اے۔
مریم نواز دا کہنا اے کہ اوہناں دی والدہ نے ہمیشہ اپنی نجی سپیس نوں قائم رکھیا اے۔ اوہ جدوں نواز شریف دی گرفتاری خلاف کوششاں کر رہیاں سن، اودوں وی میڈیا اُتے اوہ بہت گھٹ نظرآؤندیاں سن۔ مریم نواز دا کہنا اے کہ اوہناں دی والدہ نوں اپنی نجی زندگی پبلک کرنا بُہتا پسند نہیں اے۔ انج دے ماحول وچ ہن جدوں اوہ ہسپتال وچ وینٹی لیٹر اُتے نیں ، تے کیویں اوہناں دیاں تصویراں لے کے میڈیا اُتے جاری کیتیاں جان؟
