لاہور( پاکستان پوائنٹ نیوز25۔جون2018ء ) پاکستان تحریک انصاف دے چیئرمین عمران خان دی سابق بیوی ریحام خان ولوں لکھی گئی کتاب دے مبینہ اقتباسات ساہمنے آئے، جیہدے وچ اوہناں نے اپنے سابق شوہر بارے مبینہ طور اُتے کئی انکشافات کیتے نیں۔ ریحام خان دی ایہ کتاب ساہمنے آن مگروں ممکنہ طور اُتے تحریک انصاف و عمران خان نوں نقصان ہو سکدا اے۔ اک ٹویٹر ورتینڈر(صارف) نے جدوں ریحام خان نوں آکھیا کہ تُسیں پاکستان مسلم لیگ (ن) دے رہنماواں نوں بے نقاب کر ن لئی کدوں کتاب لکھ رہے او، میرا خیال تُسیں سچ بے نقاب کرن والی تے چنگی لکھارن او۔جیہدا جواب دیندے ہوئے ریحام خان دا کہنا سی کہ جدوں میں کسے نال ویاہ کراں گی۔
جیہدے توں ریحام خان دا مطلب سی کہ میں جدوں کسے (ن) لیگی رہنما نال ویاہ کراں گی تے اوہناں نوں بے نقاب کراں گی۔ ریحام خان نے ایہ گل ہسدے ہوئے آکھی پر ٹویٹر اُتے ایس گل نوں لے کے بحث چل پئی ۔ سوشل میڈیا ورتیندڑاں دا کہنا اے کہ ریحام خان نے اک ہور ویاہ دا اشارہ دے دتا اے۔ اک سوشل میڈیا ورتیندڑ دا کہنا سی کہ فیر لوک آکھدے نیں شیخ رشید نے طوائف دا لفط اوہناں لئی کیوں ورتیا ، کیونکہ طوائف بغیر نکاح پیسے کماندی تے ایہ نکاح کرکے۔ اک سوشل میڈیا ورتیندڑ نے ریحام خان نوں مشورہ دتا کہ تُسیں آکھو تے میں شیخ رشید نال گل کراں؟جیہدا جواب دیند ے ہوئے ریحام خان دا کہنا سی کہ اوہ مسلم لیگ (ن) نال اے؟میرے خیال وچ اوہ ویاہ کرن والے لوکاں دی گنتی وچ نہیں آؤندے بلکہ کُجھ ویلا کوٹھے اُتے لنگھان نوں ترجیح دیندے نیں۔
