لاہور( پاکستان پوائنٹ نیوز25۔جون2018ء ) پیپلز پارٹی نے تحریک انصاف دیاں 3وکٹاں اُڈا دتیاں۔این اے 86توں پاکستان تحریک انصاف دے فخر عمر لالیکا، پی پی 66توں ناصر تارڑا تے پی پی 67توں ناصر گوندل نے پاکستان پیپلز پارٹی وچ رلتی ہون دا فیصلا کر لیا۔ تفصیل مطابق ٹکٹاں دی ونڈ بارے پی ٹی آئی نوں اوکڑاں(مشکلات) دا ساہمنا اے۔جیہدے مگروں پی ٹی آئی ولوں جھیڑوے (متنازعہ) حلقیاں وچ فیر سروے کروان دا فیصلا کیتا گیا ۔
پر ایس صورتحال وچ پی ٹی آئی ولوں ٹکٹ نہ ملن اُتے کئی سیاسی رہنما دوجیاں جماعتاں وچ رلتی ہو رہے نیں۔تازہ اطلاع مطابق پیپلز پارٹی نے تحریک انصاف دیاں اکٹھیاں تن وکٹاں اُڈا دتیاں۔ این اے 86توں پاکستان تحریک انصاف دے فخر عمر لالیکا، پی پی 66توں ناصر تارڑا تے پی پی 67توں ناصر گوندل نے پاکستان پیپلز پارٹی وچ رلتی ہون دا فیصلا کر لیا، جو آصف زرداری نال ملاقات کر کے چھیتی ای پاکستان پیپلز پارٹی وچ رلتی ہون دا اعلان کرن گے۔
