کراچی( پاکستان پوائنٹ نیوز20۔جون2018ء ) مشہور مزاح نگار مشتاق احمد یوسفی چلانا کر گئے۔ تفصیل مطابق پاکستانی دے جانے پچھانے لکھاری مشہور مزاح نگار مشتاق احمد یوسفی چلانا کر گئے نیں۔ مشتاق احمد یوسفی دی گنتی اُردو ادب دے وڈے مزاح نگاراں وچ ہوندی سی۔ مشتاق احمد یوسفی نے 94سال دی عمر وچ چلانا کیتا۔1950وچ مسلم کمرشل بنک وچ تعینات ہوئے تے ڈپٹی جنرل منیجر دے عہدے تیکر اپڑے۔
1965وچ الائیڈ بنک بطور مینجنگ ڈائریکٹر جوائن کیتا۔ 1974وچ یونائیٹڈ بنک دے صدر بنے۔ 1977وچ پاکستان بینکنگ کونسل دے چیئرمین بنے۔ مشتاق احمد یوسفی دیاں ادبی خدمتاں نوں مُکھ رکھدے ہوئے حکومت نے اوہناں نوں 1999وچ ستارہ امتیاز و ہلال امتیاز دے تمغیاں نال نوازیا۔ مشتاق احمد یوسفی دیاں 7توں ودھ کتاباں چھپ چکیاں نیں۔ مشتاق احمد یوسفی دے فوت ہون اُتے ادبی و سیاسی حلقیاں ولوں دُکھ دا اظہار کیتا گیا اے۔
