لاہور( پاکستان پوائنٹ نیوز20۔جون2018ء ) عوامی مسلم لیگ دے سربراہ شیخ رشید نے ریحام خان دا موازنہ طوائف نال کردے ہوئے اک قصہ سُنادتا۔تفصیل مطابق عوامی مسلم لیگ دے سربراہ شیخ رشید دا ریحام خان دی کتاب اُتے تبصرہ کردے ہوئے کہنا سی کہ میں بہت ساریاں عورتاں نوں ویاہ مگروں شریف ہوندے ویکھیا اے۔ میں جس گھر وچ رہنا آں، اوہ لال حویلی اے جو بدھو بھائی دا کوٹھا سی۔شیخ رشید دا کہنا سی کہ اک ہزار بدھو بھائی ورگیاں طوائفاں وی ریحام خان توں بُہتیاں عزت والیاں ہون گیاں، جیہناں نے اک گھنٹہ وی نکاح وچ لنگھایاہوندا اے، اوہدی راکھی(پاسداری) کردیاں نیں۔ شیخ رشید دا کہنا سی کہ جدوں میں وزارت وچ سی ،تے اوہدے وچ فلم انڈسٹری وی سی اتے میں اوتھے ویکھیا کہ کنجریاں دے وی اصول ہوندے نیں۔ شیخ رشید دے ایہناں اکھراں دا ریحام خان نے وی سخت ردعمل دتا اے۔ ریحام خان دا اپنے ٹویٹ وچ کہنا سی کہ ایس بندے نوں چیف جسٹس ولوں صادق تے امین قرار دتا گیا اے۔ ایہ مسلماناں لئی بد بختی اے۔ صاد ق تے امین دا لقب صرف حضرت محمد لئی اے۔ نہ کہ ایس طرحاں دے کمزور انسان لئی جو طوائفاں توں وی چنگی طرحاں واقف اے۔ ریحام خان نے ایہدے نال ای چیف جسٹس توں شیخ رشید خلاف نوٹس لین دی منگ کیتی اے۔ریحام خان دا کہنا سی کہ مہربانی کر کے پاکستان توں ایہ گند ختم کرو۔
