لاہور( پاکستان پوائنٹ نیوز14۔جون2018ء ) سابق وفاقی وزیر ریلوے خواجا سعد رفیق نے الیکشن لئی جمع کروائے گئے حلف نامے وچ 2بیویاں دا اعتراف کر لیا۔ نجی ٹی وی مطابق جمعرات نوں سابق وزیر ریلوے خواجا سعد رفیق دی کاغذات نامزدگی دی پُن چھان کیتی گئی ،جیہدے توں پتا لگا کہ سعد رفیق ولوں جمع کروائے جان والے کاغذات نامزدگی وچ دو بیویاں دا ذکر کیتا گیا اے۔ کاغذات مطابق سعد رفیق دی اک بیوی دا ناں غزالہ سعد رفیق جدکہ دوجی بیوی شفق حرا اے۔ چیتے رہوے کہ کُجھ مہینے پہلاں ای سابق وزیر ریلوے دے دوجے ویاہ بارے خبراں عام سن پر ہن اوہناں نے کاغذات نامزدگی وچ باقاعدہ طور اُتے دو بیویاں دا اعتراف کرلیا اے۔
کاغذات نامزدگی وچ خواجا سعد رفیق نے 2بیویاں دا اعتراف کر لیا
6 سال پچھے
