گھٹ آمدن والے موبائل ورتیندڑاں دی موج لگ گئی

کارڈ لوڈ کرن دا سبھ توں وڈا فائدہ کیہ ہوئے گا؟خشخبری سنا دتی گئی

گھٹ آمدن والے موبائل ورتیندڑاں دی موج لگ گئی
کارڈ لوڈ کرن دا سبھ توں وڈا فائدہ کیہ ہوئے گا؟خشخبری سنا دتی گئی

لاہور( پاکستان پوائنٹ نیوز14۔جون2018ء ) ترجمان ایف بی آر محمد اقبال نے دسیا کہ اے غریباں کولوں موبائل کارڈ اُتے ٹیکس نہیں لِتا جائے گا، 15دناں وچ اجیہا نظام بناواں گے جیہدے وچ بُہتی آمدن تے گھٹ آمدن والے ورتیندڑاں(صارفین) دی پُن چھان کیتی جائے گی، میکانزم دے تحت گھٹ آمدن والیاں توں ایڈوانس ود ہولڈنگ ٹیکس نہیں لِتا جائے گا۔ اوہناں نے نجی ٹی وی چینل نال گل بات کردے ہوئے واضح کیتا کہ سپریم کورٹ دے حکم اُتے عملدرآمد کیتا جائے گا۔

رات بارھاں وجے مگروں ٹیکس وصول نہیں کیتا جائے گا۔ موبائل کمپنیاں نے وی ایہدے اُتے عملدرآمد شروع کر دتا اے۔ 15دناں وچ ایف بی آر نال رلکے ٹیکس دا نواں نظام بنایا جائے گا۔ اوہناں نے آکھیا کہ صوبائی کمپنیاں نے وی ایہدے اُتے عملدرآمد شروع کر دتا اے۔ 15دناں وچ ایف بی آر نال رلکے ٹیکساں دا نواں نظام بنایا جائے گا۔ اوہناں نے آکھیا کہ صوبائی اتھارٹیز ولوں جو سیلز ٹیکس دی مد وچ پیسے کٹے جاندے سن اوہ وی ہن چارج نہیں کیتے جان گے، ایسے طرحاں مرکزی حکومت دا ود ہولڈنگ ٹیکس وی نہیں کٹیا جائے گا۔

سانوں حکم ملیا کہ ایسے لوکاں توں ٹیکس نہ وصولیا جائے جیہناں دی آمدن پہلے ای گھٹ اے کیونکہ اوہناں دی انکم ٹیکس ایبل نہیں بندی۔ ہن ایف بی آر نے اوہدی پُن چھان کرنی تے اجیہا میکانزم بنانا اے کہ جیہڑے لوکاں دی آمدن گھٹ اے تے اوہ لوئر انکم توں تعلق رکھدے نیں،اوہناں کولوں ایہ ٹیکس نہیں لیا جائے گا۔