فوج دا گل بخاری دے اغوا دے واقعے نال کوئی تعلق نہیں

اسلام آ باد( پاکستان پوائنٹ نیوز09۔جون2018ء ) پاک فوج دے ترجمان جنرل آصف غفور باجوہ نے آکھیا اے کہ ٹی وی مجمان گل بخاری دے مبینہ اغوا دیاں تحقیقات ہونیاں چاہیدیاں۔ ہفتے نوں پرچا کاراں نال گل بات کردے ہوئے اوہناں نے آکھیا کہ گل بخاری دے اغوا دے واقعے نال پاک فوج دا کوئی تعلق نہیں اے۔ چیتے رہو ے کہ کُجھ دن پہلاں نامعلوم بندیاں نے گل بخاری نوں لاہور وچ کینٹ ایریا توں اوس ویلے اغوا کر لیا سی جدوں اوہ ٹی وی پروگرام وچ رلت لئی دفتر جار ہیاں سن۔

اغوا مگروں اوہناں نوں کُجھ گھنٹیاں مگروں ای چھڈ دتا گیا۔ بعدوں گل نے ٹویٹر اکاؤنٹ راہیں گھر اپڑن دی تصدیق وی کیتی سی۔ گل بخاری نے اپنے اغوا دا الزام کسے اُتے وی نہیں لایا سی۔ ڈی جی آئی ایس پی آر توں جدوں ایس حوالے نال پُچھیا گیا تے اوہناں نے آکھیا کہ ایس واقعے دیاں تحقیقات ضرور ہونیاں چاہیدیاں۔ اوہناں نے آکھیا کہ فوج دا ایس واقعے نال کوئی تعلق نہیں۔ افسوس نال ایس طرحاں دے واقعیاں بارے کُجھ لوک غلط تاثر کھلاردے نیں۔