پاکستان وچ ویاہ کرن لئی عمران خان توں وکھ کیہرا سیاست دان ریحام دا ٹارگٹ سی؟پرچا کار نے انکشاف کر دتا

لاہور( پاکستان پوائنٹ نیوز08۔جون2018ء ) مشہور پرچا کار و کالم نگار جاوید چودھری دا اپنے اک کالم ’ریحام خان دی کتاب‘ وچ کہنا اے کہ ریحام خان نے پرچاکار مبین نوں 2016وچ دسیا سی کہ میں باقاعدہ پلاننگ نال پاکستان گئی تے میرا ٹارگٹ عمران خان سن۔ مبین رشید ریحام خان دی ادھی کتاب دے لکھاری وی نیں تے اوہناں نے ریحام خان دی کتاب دے 272صفحے لکھے نیں۔ ریحام خان نے 2016وچ پرچاکار مبین نوں دسیا سی کہ میں باقاعدہ پلاننگ نال پاکستان گئی تے میرا ٹارگٹ عمران خان سن۔جاوید چودھری دا کہنا سی کہ میرے اک وسیلے نے دعوا کیتا اے کہ پاکستان وچ شہباز شریف تے عمران خان ایہ دوویں ریحام خان دا ٹارگٹ سن۔ ریحام خان ہمیشہ نمبر ون دی لسٹ وچ آنا چاہندیاں سن۔ ریحام خان نے 2007وچ لندن وچ شاہ رخ خان نال کُجھ منٹ دا اشتہار وی کیتا سی۔ ایہناں کُجھ سیکنڈاں لئی ریحام خان نوں بہت محنت کرنی پئی سی۔ ریحام خان نے پاکستان آ کے عمران خان تیکر اپڑن لئی بہت محنت کیتی۔ فیر ریحام خان عمران خان دا انٹرویو کرن وچ کامیاب ہو گئی۔ نعیم الحق نے ایہ انٹرویو کروان وچ ریحام خان دی مدد کیتی جدکہ پروگرام ختم ہویا تے عمران خان ریحام خان توں متاثر ہوئے بغیر نہ رہ سکے۔ فیر دوواں وچکار رابطہ شروع ہویا تے ایہ گل ویاہ تیکر اپڑ گئی۔ 

 چیتے رہوے کہ پی ٹی آئی چیئرمین عمران خان دی دوجی سابقہ بیوی دی کتاب اجکل سوشل تے الیکٹرانک میڈیادے پروگراماں وچ بحث دا موضوع بنی ہوئی اے۔