کراچی( پاکستان پوائنٹ نیوز05۔جون2018ء ) پولیس اہلکاراں نے 16ورھیاں دی کُڑی نوں رہا کروان مگروں اجتماعی زیادتی دا نشانہ بنا دتا۔ نجی ٹی وی چینل دی اک رپورٹ مطابق قانون دے رکھوالیاں نے 16ورھیاں دی کُڑی نوں زیادتی دا نشانہ بنا دتا۔ پولیس اہلکار معصوم کُڑی نوں تھانے وچ بند کر کے ساری رات زیادتی دا نشانہ بناندے رہے۔ پولیس اہلکاراں نے کُڑی نوں بازیاب کروا کے تھانے وچ اوہدی بے حرمتی کیتی۔
متاثرہ کُڑی نے اپنے نال ہون والی انہونی بارے عدالت وچ بیان دے دتا ۔ رپورٹ وچ دسیا گیا اے کہ کُڑی نے عدالت وچ بیان دتا اے کہ جدوں قانون تے عزت دے رکھوالے ای عزت دے دشمن بن جان تے فیر انصاف کیویں ملے گا۔ کُڑی دا کہنا اے کہ پہلے مینوں اغوا کیتا گیا، اغوا کاراں ولوں جو میرے اُتے ظلم کیتے گئے اوہ وکھ کہانی اے ، پر پولیس اہلکار مینوں اغوا کاراں توں رہا کروا کے تھانے لے گئے، جتھے مینوں اک وکھ کمرے وچ رکھیا گیا۔
پولیس اہلکاراں نے اوس کمرے وچ میرے نال جنسی زیادتی کیتی۔ مہر النسا نامی کُڑی نے عدالت وچ اپنا بیان دیندے ہوئے تن پولیس اہلکاراں دے ناں وی دسے۔ پولیس افسراں وچ نفیس، کاظم تے ظفر باجوہ شامل نیں۔ کُڑی دا کہنا سی کہ تنوں اہلکاراں نے اسلحے دے زور اُتے میرے نال اجتماعی زیادتی کیتی۔ عدالت نے مجرماں نوں گرفتار کرن دا حکم دے دتا۔
