اسلام آباد( پاکستان پوائنٹ نیوز05۔جون2018ء ) چیف جسٹس سپریم کورٹ جسٹس ثاقب نثار نے اصغر خان کیس وچ سابق وزیر اعظم نواز شریف نوں کل سد لیا، رجسٹرار آفس نے 31فریقاں نوں طلبی دے نوٹس جاری کر دتے، چیف جسٹس دی سربراہی وچ تن رکنی بنچ کل اصغر خان کیس دی سنوائی کرے گا۔ میڈیا رپورٹس مطابق سپریم کورٹ آف پاکستان نے اصغر خان کیس دی سنوائی مقرر کر دتی اے۔
چیف جسٹس ثاقب نثار دی سربراہی وچ تن رکنی بنچ کل کیس دی سنوائی کر یگا۔ سنوائی لئی سپریم کورٹ نے 31فریقاں نوں پیش ہون لئی نوٹس جاری کر دتے نیں۔ جیہڑے سیاسی بندیاں نوں سپریم کورٹ نے اصغر خان کیس وچ نوٹسز جاری کیتے نیں اوہناں وچ سابق وزیراعظم نواز شریف، سینئر سیاسی رہنما جاوید ہاشی، جام معشوق، متحدہ بانی، اجمل خان، آفاق احمد، سراج الحق ، عابدہ حسین، الطاف حسن قریشی، خورشید شاہ، غلام مصطفی کھر تے ہور شامل نیں۔
31فریقاں وچ جنرل (ر) اسلم بیگ تے اسد درانی وی شامل نیں۔ چیتے رہوے کہ اصغر خان کیس 1990وچ اسلامی اتحاد دی تشکیل تے انتخابات وچ دھاندلی لئی سیاستداناں وچ پیسے ونڈن بارے اے۔ ائر فورس دے سابق سربراہ اصغر خان مرحوم نے سیاستداناں وچ پیسے ونڈن بارے سپریم کورٹ نال رابطہ کیتا سی۔ سابق وزیراعظم نواز شریف اُتے الزام اے کہ اوہناں نے 35لکھ لئے جدکہ جاوید ہاشمی اُتے وی پیسے لین دا الزام لایا گیا اے۔ اوس ویلے دے جنرل اسلم بیگ تے اسد درانی اُتے الزام اے کہ اوہناں نے بے نظیر بھٹو دی حکومت خلاف ایہ پیسے ورتے سن۔
