لاہور( پاکستان پوائنٹ نیوز04۔جون2018ء ) مسلم لیگ (ن) دے صدر محمد شہباز شریف نے آکھیا اے کہ چودھری نثار ٹکٹ منگن یاں نہ منگن، ٹکٹ ضرور دیواں گے، چودھری نثار میرے دوست نیں تے ہمیشہ رہن گے، چودھری نثار ناراض ضرور نیں پر چھیتی من جاندے نیں۔ اوہناں نے سابق وزیر داخلا چودھری نثار دے پارٹی ٹکٹ لئی اجے درخاست جمع نہ کروان دے جواب وچ آکھیا کہ چودھری نثار میرے دوست نیں تے ہمیشہ رہن گے۔
چودھری نثار ٹکٹ منگن یاں نہ منگن، ٹکٹ ضرور دیواں گے۔ اوہناں نے آکھیا کہ چودھری نثار رُسے ضرور نیں پر چھیتی من جاندے نیں۔ چیتے رہوے کہ نجی ٹی وی چینل دا کہنا سی کہ مسلم لیگ (ن) دے مرکزی رہنما چودھری نثار دی پارٹی قیادت نال ناراضی اجے جاری اے۔ چودھری نثار نے پارتی ٹکٹ لئی درخاست وی نہیں دتی۔ چودھری نثار نے این اے 59تے این اے 63توں الیکشن لڑن دا فیصلا کیتا اے جدکہ چودھری نثار نے پنجاب اسمبلی دے 2حلقیاں پی پی 12تے 17توں وی الیکشن وچ حصہ لین دا فیصلا کیتا ہویا اے۔نجی ٹی وی دا کہنا سی کہ چودھری نثار الیکشن2013وچ مسلم لیگ (ن) دے پارلیمانی بورڈ دا حصہ سن جدکہ ایس وار چودھری نثار نوں (ن) لیگ دے پارلیمانی بورڈ دا حصہ نہیں بنایا گیا۔
