لاہور( پاکستان پوائنٹ نیوز04۔جون2018ء ) ریحام خان نے سوشل میڈیا اُتے انوکھا چیلنج دے دتا۔ ریحام خان دا کہنا اے کہ منشیات بارے خون دے ٹیسٹ دا خیال چنگا اے، چلو پہلے میرا ٹیسٹ کروا کے ویکھ لینے آں۔ تفصیل مطابق ریحام خان دی کتاب اجے چھپی وی نہیں تے ہر پاسے پہلاں ای اوہدا رولا پینا شروع ہو گیا اے۔ ریحام خان نوں پاکستان تحریک انصاف ولوں کتاب دے حوالے نال ڈاڈھی تنقید دا ساہمنا اے۔ ایتھوں تیکر کے سوشل میڈیا اُتے وی ریحام خان تنقید دی زد وچ نیں۔ اک سوشل میڈیا ورتیندڑ دا کہنا اے کہ ریحام خان نشے دیاں عادی نیں۔ جدکہ میرے کول ایس گل دے ثبوت تے تصویراں نیں کہ ریحام خان اک ناجائز اولاد وی رکھدیاں نیں۔ جیہدا جواب دیندے ہوئے ریحام خان دا کہنا سی کہ مینوں میرے وچارے پُتر نال ملوا دیو جے ڈین این اے ٹیسٹ میچ نہ وی ہویا تے اپنا لواں گی۔ ریحام خان دا ہور کہنا سی کہ منشیات بارے خون دے ٹیسٹ دا خیال بہت چنگا اے۔ پہلے میرا ٹیسٹ کروا کے ویکھ لینے آں۔
چیتے رہوے کہ مشہور پرچا کار مبین رشیددا نجی ٹی وی چینل دے اک پروگرام وچ گل بات کردے ہوئے کہنا سی کہ ریحام خان جدوں وی برطانیہ آؤندیاں اک بھارتی بزنس مین دے ہوٹل وچ رہندیاں۔ اوہ بھارتی بزنس مین ہر طرحاں دا نشہ کر دتا تے ریحام خان جدوں وی اوہدے نال ملدیاں، اوہدے نال رلکے نشہ کردیاں سن۔ بے شک ریحام خان دا میڈیکل ٹیسٹ کروا لیا جائے تے میری گل سچ ثابت ہو جائے گی۔ مبین رشید دا ہور کہنا سی کہ اوہناں دوواں دیاں میرے کول کُجھ تصویراں وی نیں جو میں چھیتی ای ساہمنے لیاواں گا۔ چیتے رہوے کہ مبین رشید پہلے ریحام خان نوں اوہناں دی کتاب لکھن وچ مدد دے ر ہے سن پر بعدوں اوہ ریحام خان توں وکھ ہو گئے کیونکہ اوہناں نوں لگ رہیا سی کہ ایس کتاب دا مقصد صرف پاکستان تحریک انصا ف دے چیئرمین عمران خان دی کردار کشی کرنا اے۔
