عمران خان نے (ن) لیگ دیاں 2ہور وکٹاں اُڈا دتیاں

لاہور( پاکستان پوائنٹ نیوز01۔جون2018ء ) عمران خان نے (ن) لیگ دیاں ہور 2وکٹاں اُڈا دتیاں۔ تفصیل مطابق الیکشن نیڑے آؤندے ای سیاسی توڑ جوڑ دا کھیڈ جاری اے۔ایس صورتحال وچ عمران خان ولوں (ن) لیگ دیاں وکٹاں ڈیگن دا سلسلا رُکن دا ناں ای نہیں لے رہیا۔ اج وی پاکستان تحریک انصاف نے (ن) لیگ دیاں 2 اہم وکٹاں اُڈا دتیاں نیں۔ میڈیا رپورٹس مطابق قصور توں (ن) لیگ دے حاجی صابر انصاری تے شیخوپورا توں علی اصغر منڈا تحریک انصاف وچ رلتی ہوگئے۔دوویں رہنما عمران خان نال ملاقات مگروں پی ٹی آئی وچ رلتی ہون دا باقاعدہ اعلان کرن گے۔