لاہور( پاکستان پوائنٹ نیوز25۔مئی2018ء ) بھارتی خفیہ ایجنسی دے سابق سربراہ نے پرویزمشرف نوں بھارت لئی بہترین قرار دے دتا۔ قومی اخبار دی اک رپورٹ مطابق بھارت دی خفیہ ایجنسی را دے سابق سربراہ امرجیت سنگھ دولت داکہنا ا ے کہ پاکستان دے سارے فوجی آمراں وچ جنرل (ر) پرویز مشرف بھارت لئی بہترین رہے۔ اوہناں نے ایوب خان تے ضیاء الحق نال موازنہ کردے ہوئے اے ایس دولت نے حریت کانفرنس نوں متحد نہ کرن دیاں کوششاں اُتے پرویز مشرف نوں بھارت لئی بہترین قرار دتا۔
اوہناں دا کہنا سی کہ میرا پرویز مشرف نوں پسند کرنا کشمیر دے پچھوکڑ وچ اے۔ میں 25ورھیاں وچ کشمیر دے جھیڑے اُتے پرویز مشرف توں ودھ مثبت تے مناسب کوئی ہور پاکستانی رہنما نہیں ویکھیا۔ اوہناں نے کئی وار آکھیا سی کہ جو کشمیریاں نوں قبول ہوئے گا اوہ سانوں قبول ہوئے گا۔ ایہ چنگی گل سی سانوں ایہدے اُتے کم کرنا تے اگانہ ودھنا چاہیدا۔ پر اسیں پچھانہ ہٹ گئے۔
اوہناں نے آکھیا کہ نائن الیون مگروں پرویز مشرف امریکی دباء وچ آگئے سن۔ پر اوہناں نے علیحدگی پسنداں نوں غیر موثر ہو جان لئی آکھ دتا سی کہ جے اوہناں دے سیاسی ارادے نیں تے فیر اوہ الیکشن لڑن ۔اوہناں نے آکھیا کہ اج پاکستان حریت رہنماواں نوں اک کرن دی کوشش کر رہیا اے پر پرویز مشرف نے اجیہی کوئی کوشش نہیں کیتی سی۔ سید علی رکاوٹ بنے تے پرویز مشرف نے اوہناں نوں راہ توں ہٹ جان لئی آکھیا۔ پرویز مشرف ضرور دور بین سن۔
