اسلام آباد( پاکستان پوائنٹ نیوز24۔مئی2018ء ) چین نے بھارتی اخبار وچ چھپن والی خبر دا سختی نال نوٹس لے لیا۔چین نے چینی صدر ولوں حافظ سعید نوں باہرلے ملک گھلن دا آکھن دی خبر نوں جُگت قرار دے دتا۔ چینی حکام دا موقف اے کہ چینی صدر ولوں حافظ سعید نوں مغربی ایشیائی ملک گھلن دا آکھن دی خبر بے بنیاد تے حیران کن اے۔ تفصیل مطابق چین نے بھارتی اخبار دی ہندو وچ چھپن والی خبر دا سختی نال نوٹس لے لیا۔
بھارتی اخبار دی ہندو وچ پچھلے دیہاڑے چھپن والی خبر کہ جدوں پاکستانی وزیر اعظم شاہد خاقان عباسی نے چین دا دورہ کیتا تے معمول توں وکھ وی اوہناں نے چینی صدر شی جن پنگ نال ملاقات کیتی۔ پاکستانی اخبار دے مطابق چینی صدر شی جنگ پنگ تے پاکستانی وزیر اعظم شاہد خاقان عباسی وچکار ہون والی ملاقات 35منٹ جاری رہی، جیہدے وچ 10منٹ صرف حافظ سعید اُتے گل بات ہوئی سی۔
ایس دوران چینی صدر شی جنگ پنگ نے پاکستانی وزیر اعظم شاہد خاقان عباسی نوں صلاح دتی کہ اوہ حافظ سعید نوں دنیا دیاں اکھاں توں دور رکھن لئی اوہناں نوں مغربی ایشیائی ملک گھل دین۔ ایہ خبر ڈان نال جُڑے پرچا کار مبشر زیدی نے دتی سی جیہدے مگروں بھارت نے ایس خبر نوں بنیاد بنا کے پراپیگنڈا شروع کردتا تے عالمی براداری توں ایس گل دا نوٹس لین دی منگ کیتی۔
