اسلام آباد( پاکستان پوائنٹ نیوز23۔مئی2018ء ) 2(ن) لیگی ارکان اسمبلی نے پی ٹی آئی وچ رلتی ہون دااعلان کیتا اے۔ چیئرمین پی ٹی آئی عمران خان نے دوویں رہنماواں دی رلت دا خیرمقدم کیتا۔ میڈیا رپورٹس مطابق چیئرمین تحریک انصاف نال نارووال دے حلقہ این اے 115توں مسلم لیگ (ن) دے رکن قومی اسمبلی میاں محمد رشید تے صوبائی حلقہ پی پی 132توں (ن) لیگ دے ایم پی اے اویس قاسم نے ملاقات کیتی۔ ملاقات دوران ملک دی چالو (موجودہ) سیاسی صورتحال تے آؤندے الیکشن دے حوالے نال وچار وٹاندرا کیتا گیا۔ ایس موقعے تے دوویں رہنماواں نے عمران خان دی قیادت اُتے اعتماد دا وکھالا (اظہار) کردے ہوئے پی ٹی آئی وچ رلتی ہون دا اعلان کیتا۔ چیئرمین پی ٹی آئی عمران خان نے اوہناں دی پارٹی وچ رلت دا خیرمقدم کیتا۔ ایس توں پہلاں پچھلے دیہاڑے
مظفر گڑھ توں (ن) لیگ دے ایم این اے عاشق گوپانگ، ایم پی اے عامر گوپانگ تے ایم پی اے سبطین رضا نے پی ٹی آئی وچ رلتی ہون دا اعلان کیتا سی۔میڈیا رپورٹس مطابق مظفر گڑھ توں (ن) لیگ دے ایم این اے عاشق گوپانگ، ایم پی اے عامر گوپانگ تے ایم پی اے سبطین رضا نے پاکستان تحریک انصاف دے چیئرمین عمران خان نال ملاقات کیتی۔ ملاقات دوران ذکر کیتے گئے تِنوں ارکان نے پی ٹی آئی وچ رلتی ہون دا اعلان کیتا۔
