خیبرایجنسی( پاکستان پوائنٹ نیوز23۔مئی2018ء ) حکومت نے فاٹا اصلاحات دے تحت فاٹا لئی تاریخی اعلان کر دتا۔ وزیر اعظم شاہد خاقان عباسی دا کہنا سی کہ فاٹا وچ راہداری ٹیکس ختم کر دتا گیا اے،10سال تیکر سو ارب رُپئے سالانہ فاٹا وچ خرچ کیتے جان گے۔ تفصیل مطابق حکومت نے فاٹا اصلاحات دے تحت فاٹا لئی تاریخی اعلان کر دتا اے۔ وزیراعظم شاہد خاقان عباسی دی صدارت ہیٹھ پارلیمانی جماعتاں دا فاٹا اصلاحات بارے اجلاس ہویا۔
ایس توں وکھ وزیر اعظم نے جمرود وچ 132کے وی پاور گرڈ سٹیشن دا فتتاح کر دتا۔ ایس موقعے تے خطاب کردے ہوئے وزیر اعظم شاہد خاقان عباسی دا کہنا سی کہ فاٹا وچ ترقی دا سفر جاری رکھاں گا۔ منصوبہ ایسے دور وچ شروع ہو کے ختم ہویا۔ گرڈ سٹیشن لئی زمین دین اُتے مقامی بندیاں دے مشکور آں۔ وزیراعظم شاہد خاقان عباسی دا کہنا سی کہ ایہ شروعات اے، فاٹا وچ ترقی دا سفر جاری رہوے گا۔
گرڈ سٹیشن دی اُساری اُتے 78کروڑ رُپئے خرچ ہوئے۔ فاٹا دے انضمام دے معاملے اُتے صلاح نال اگانہ ودھ رہے آں۔ فاٹا دے انضمام اُتے مستقل عمل تے اک نظام دے تحت اگانہ ودھنا پئے گا۔ ہور شہراں ورگیاں سہولتاں فاٹا دے واسیاں دا حق اے۔ وزیر اعظم شاہد خاقان عباسی نے فاٹا لئی تاریخی اعلان کردے ہوئے آکھیا کہ 10سال تیکر سو ارب رُپئے سالانہ فاٹا وچ خرچ کیتے جان گے۔ فاٹا وچ راہداری ٹیکس ختم کر دتا گیا اے۔ اوہناں دا کہنا سی کہ کوشش اے کہ فاٹا انضمام دا عمل ایسے حکومت وچ شروع کیتا جائے۔ قومی اسمبلی تے سینیٹ اوہ کم کرے گی، جو فاٹا دے واسیاں دے حق وچ ہوئے۔ اسیں صرف وعدے نہیں کردے ہر پاسے مسلم لیگ (ن) دا کم نظر آ رہیا اے۔
