حویلی لکھا( پاکستان پوائنٹ نیوز23۔مئی2018ء ) مشہور سیاستدان پنجاب دے سابق وزیر اعلا و پیپلز پارٹی دے سابق پارٹی صدر پنجاب منظور احمد وٹونے پیپلز پارٹی چھڈ دتی، آزاد حیثیت نال الیکشن وچ حصہ لین گے،منظور وٹوخبر نوں رد یاں اوہدی تائید نہیں کرسکے، دال وچ کُجھ نا کُجھ تے کالا ضرور اے۔ مقامی وسیلیاں مطابق مشہور سیاستدان سابق وزیر اعلا پنجاب و پیپلز پارٹی پنجاب دے سابق پارٹی صدر پنجاب منظور احمد وٹو دے حوالے نال پیپلز پارٹی نوں چھڈن دیاں خبراں آرہیاں نیں۔
وسیلیاں داکہنا اے کہ اوہ پیپلز پارٹی توں وکھ ضرور ہوئے نیں پر اوہ ایس خبرنوں الیکشن توں کُجھ دن پہلاں بریک کرنا چاہندے نیں۔ وسیلیاں مطابق منظور احمد وٹو آزاد حیثیت نال الیکشن وچ حصہ لین گے۔چیتے رہوے کہ کُجھ دن پہلاں پی ٹی آئی رہنما شاہ محمود قریشی نے وی اک ٹی وی پروگرام وچ گل بات کردے ہوئے دعوا کیتا سی کہ منظور وٹو پیپلز پارٹی دے ٹکٹ توں الیکشن نہیں لڑن گے۔
