اسلام آباد( پاکستان پوائنٹ نیوز23۔مئی2018ء ) مسلم لیگ (ن) دے قائد نواز شریف دے داماد کیپٹن (ر) صفدر نے آکھیا اے کہ نعیم الحق نے چپیڑ دانیال عزیز نوں نہیں بلکہ پورے پارلیمان نوں ماری اے،عمران خان نوں نوٹس لینا چاہیدا۔ کے پی کے دی ناکام حکومت ملن اُتے تُسیں چپیڑاں مارنیاں شروع کردتیاں۔احتساب عدالت وچ میڈیا نال گل بات کردے ہوئے کیپٹن (ر) صفدر نے آکھیا کہ دانیال عزیز دی جرات تے برداشت نوں سلاہنا واں۔
نعیم الحق نے چپیڑ دانیال عزیزنوں نہیں بلکہ پورے پارلیمان نوں ماری اے۔ کیپٹن (ر) صفدرنے آکھیا کہ کے پی کے وچ ناکام حکومت ملن اُتے تُسیں لوکاں نوں چپیڑاں مارنیاں شروع کردتیاں۔ عمران خان نوں نوٹس لینا چاہیدا۔ ایہ کلچر ختم ہونا چاہیدا۔ اوہناں نے آکھیا کہ ایہ پہلے دن توں کنٹینر دی سوچ لے کے ٹی وی چینلاں اُتے آئے نیں۔ دانیال عزیز نوں چپیڑ مارن والے نوجواناں نوں ایہ کلچردے رہے نیں۔
کیپٹن صفدرنے آکھیا کہ جے رب نہ کرے تحریک انصاف دے ہتھ وچ ماچس آگئی تے کیہ ہوئے گا؟چیتے رہوے کہ پچھلے دیہاڑے پاکستان تحریک انصاف دے رہنمانعیم الحق نے وفاقی وزیر برائے نجکاری دانیال عزیز نوں لائیو شودوران چپیڑماری سی۔ پاکستان تحریک انصاف دے رہنما نعیم الحق تے وفاقی وزیر نجکاری نجی ٹی وی شووچ ملک دی چالو صورتحال بارے تبصرہ کررہے سن۔
