کراچی (پاکستان پوائنٹ نیوز۔26ستمبر 2016) گلوکارا مومنہ مستحسن نُوں کوک اسٹوڈیو سیزن 9 راہیں شہرت ملی اے تے سنن وچ آ رہیا اے کہ اوہناں دی منگنی ہو گئی اے۔ سوشل میڈیا اُتے وائرل ہون والی اِک تصویر مطابق مومنہ مستحسن نے اِک سادا تقریب وچ علی نقوی نامی بندے نال منگنی کیتی اے۔ ایس توں پہلاں چالو مہینے دے شروع وچ مومنہ نے اپنی منگنی دیاں ”افواہاں“ دی تردید کیتی سی پر ہُن ساہمنے آن والی تصویر توں اندازا ہوندا اے کہ اوہ افواہ اینی وی بے بنیاد نہیں سی۔
مومنہ دے کجھ پرستاراں نے تے اوہناں دے ایس نویں رشتے اُتے خشی دا اظہار کیتا اے پر متعدد نُوں ایہ کجھ چنگا نہیں لگا۔ کجھ مرد پرستار تے واقعی مایوس ہوئے۔ اِک نے تے ایہنوں کالا دیہاڑ ای مِتھ دِتا۔ کجھ نے مومنہ دا موازنا عمران خان نال کیتا۔
