قومی اسمبلی دا 37 واں اجلاس پیر توں شروع ہووے گا

اسلام آباد(پاکستان پوائنٹ نیوز۔24ستمبر 2016) قومی اسمبلی دا 37 واں اجلاس پیر توں شروع ہووے گا۔ اجلاس شام 5 وجے سپیکر قومی اسمبلی سردار ایاز صادق دی سربراہی وچ شروع ہووے گا۔ اجلاس توں پہلے سپیکر قومی اسمبلی نے ایجنڈے اُتے غور لئی ہاؤس بزنس ایڈوائزری کمیٹی دا اجلاس ہفتے دے دیہاڑے طلب کیتا سی۔ اجلاس وچ فاٹا سنے ساریاں پارلیمانی جماعتاں نے ایہدے وچ رلت کیتی۔ یاد رہوے کہ کیلنڈر دے مطابق قومی اسمبلی دا اجلاس 6 اکتوبر نوں شروع ہونا سی پر صدر مملکت نے اجلاس 26 ستمبر نوں پہلے ای طلب کر لیا اے۔ وسیلیاں دے مطابق قومی اسمبلی دے اجلاس وچ وزیر اعظم ولوں اقوام متحدا دی جنرل اسمبلی وچ خطاب اُتے ایوان نوں اعتماد وچ وی لیا جاوے گا۔