اسلام آباد(پاکستان پوائنٹ نیوز16۔مئی2018ء ) الیکشن کمیشن نے عام انتخابات لئی انتخابی نشان وچ پہلی وار انگریزی دے حروف تہجی وی شامل کر لئے۔ عام انتخابات 2018لئی تیاریاں شروع کر دتیاں گئیاں۔ میڈیا رپورٹ مطابق الیکشن کمیشن نے الیکشن لئی انتخابی نشاناں دی لسٹ تیار کر لی اے۔لسٹ وچ سیاسی جماعتاں لئی 330نشا ن نیں۔ الیکشن کمیشن مطابق انتخابی نشان وچ پہلی وار انگریزی دے 6حروف تہجی نوں نشان دے طور اُتے شامل کیتا گیا اے۔
ایہناں نشاناں وچ اے، بی ، جی ،کے، پی تے ایس شامل نیں۔ الیکشن کمیشن ولوں آکھیا گیا کہ انتخابی نشان وچ چمچا تے جُتی وی شامل اے۔ الیکشن کمیشن مطابق انتخابی نشان رکھن والیاں سیاسی جماعتاں نوں دوبارہ درخاست دینی پئے گی۔ درخاست وچ انتخابی نشان لئی ترجیح دسنا ضروری ہوئے گا۔ الیکشن کمیشن مطابق انتخابی نشان الاٹ کرن دیاں درخاستاں 25مئی تیکر منگیاں گئیاں نیں۔
