اسلام آباد(پاکستان پوائنٹ نیوز15۔مئی2018ء ) اسلام آباد ہائی کورٹ نے نواز شریف خلاف مقدمے دی درخاست نوں سنوائی جوگ قراردے دتا اے۔اسلام آباد ہائی کورٹ دے جسٹس عامر فاروق نے محفوظ فیصلا سُنایا ۔تفصیل مطابق منگل نوں اسلام آباد ہائی کورٹ دے جسٹس عامر فاروق نے نواز شریف خلاف مقدمہ دائر کرن دی درخاست اُتے سنوائی کیتی۔ ایس موقعے تے وکیل بابر اعوان نے دلائل دیندے ہوئے آکھیا کہ نواز شریف نے 3مئی نوں اسلام آباد دی احتساب عدالت دے باہر قومی راز دسن دی دھمکی دتی۔
اوہناں نے ہور آکھیا کہ نواز شریف دے 12مئی دے بیان نوں بھارت نے پاکستان دے دہشت گردی وچ ملوث ہون دے اعتراف طور اُتے لیا اے۔ بابر اعوان نے استدعا کیتی کہ ڈی جی ایف آئی اے نوں نواز شریف خلاف ا مقدمہ درج کرن دا حکم دتا جائے۔ عدالت نے دلائل سُنن مگروں نواز شریف خلاف درخاست سنوائی جواگ ہون یاں نہ ہون بارے فیصلا محفوظ کر لیا سی پر ہن اطلاع مطابق اسلام آباد ہائی کورٹ نے نواز شریف خلاف مقدمے دی درخاست سنوائی جوگ قرار دیندے ہوئے ڈی جی ایف آئی اے، چیئرمین پیمرا تے چیئرمین پی ٹی اے توں جواب منگ لیا۔ عدالت ولوں سابق وزیر اعظم نواز شریف نوں نوٹس نہیں گھلیا گیا۔
