اسلام آباد(پاکستان پوائنٹ نیوز15۔مئی2018ء ) قومی اسمبلی دی قائمہ کمیٹی برائے قانون و انصاف نے چیئرمین نیب نوں کل سد لیا۔ تفصیل مطابق وفاقی حکومت نے مدت ختم ہون توں پہلاں چیئرمین نیب نوں سبق سکھان دا فیصلا کیتا اے۔ حکومت نے پارلیمنٹ دی قائمہ کمیٹی راہیں چیئرمین نیب جسٹس (ر) جاوید اقبال توں پُچھ گچھ کرن دا فیصلا کیتا اے۔ چیئرمین نیب نوں نواز شریف اُتے بھارت 4.9ارب ڈالرز منی لانڈرنگ کرکے گھلن دے الزام دے سلسلے وچ سدیا گیا اے۔
چیئرمین نیب نوں ہدایت کیتی گئی اے کہ اوہ کل (بدھ) قومی اسمبلی دی قائمہ کمیٹی برائے قانون و انصاف ساہمنے پیش ہون۔ (ن)لیگ دے رانا حیات قومی اسمبلی دی قائمہ کمیٹی برائے قانون انصاف دے چیئرمین دی حیثیت نال چیئرمین نیب توں سوال جواب کرن گے۔ دوجے پاسے چیئرمین نیب ولوں پیش ہون یاں نہ ہون بارے کوئی حتمی فیصلا نہیں کیتا گیا۔
