لاہور(پاکستان پوائنٹ نیوز14۔مئی2018ء ) نواز شریف دے جھیڑوے بیان اُتے تحریک لبیک پاکستان دا وی ردعمل ساہمنے آگیا،تحریک لبیک پاکستان دے مرکزی رہنما سید عرفان احمد شاد نے اپنے بیان وچ آکھیا اے کہ ممبئی حملیاں بارے نواز شریف دا کُجھ دن پہلے دتا گیا بیان افسوسناک اے، سوشل میڈیا اُتے تحریک لبیک پاکستان دے حوالے ساہمنے آن والی پریس ریلیز جعلی تے شرمناک اے۔
پرچاکار برادری چنگی طرحاں جاندی اے کہ کسے وی جماعت یاں تنظیم ولوں جاری پریس ریلیز وچ سٹاف رپورٹر یاں ہور صحافتی لائن نہیں لکھی جاندی۔ تحریک لبیک پاکستان دے مرکزی رہنما مولانا خادم حسین رضوی سنے سارے کارکن میاں نواز شریف دے پاکستان مخالف بیان دی مذمت تے تحقیقات دی منگ کرد ے نیں۔ ڈان لیکس دے ذمے واراں نوں سزا مل جاندی تے اج ایہ نوبت نہ آؤندی۔ اوہناں نے آکھیا کہ تحریک لبیک پاکستان اسلام تے پاکستان دے دشمناں خلاف جہاد کر رہی اے جو جاری رہوے گا۔
