اسلام آباد(پاکستان پوائنٹ نیوز14۔مئی2018ء ) پاکستانی نوجوان نوں گڈی مار کے ہلاک کرن والے امریکی سفارتکار کرنل جوزف بارے حکومت نے چُپ کر کے شرمناک فیصلا کرلیا اے۔ تفصیل مطابق وفاقی راجدھانی اسلام آباد وچ پاکستانی نوجوان نوں گڈی دی ٹکر نال قتل کرن والے امریکی سفارتکار کرنل جوزف داناں ای سی ایل وچ پان دا حکم جاری کیتا گیا سی۔ کرنل جوزف دا ناں ای سی ایل وچ ہون دی وجہ توں دو دن پہلاں امریکی کرنل نوں واپس امریکا لیجان والا ملٹری جہازوی خالی واپس چلا گیا۔
پر ہن وفاقی وزارت داخلا نے کرنل جوزف دا ناں ای سی ایل توں کڈھن دا فیصلا کیتا اے۔ ای سی ایل وچوں ناں کڈھے جان مگروں ہن کرنل جوزف باہرلے ملک جا سکدا اے۔ ایس توں پہلاں پاکستان کرنل جوزف نوں پاکستانی قانون مطابق سزا دین لئی ضد کر رہیا سی۔
