سکھر(پاکستان پوائنٹ نیوز۔23ستمبر 2016) قومی اسمبلی وچ قائد حزب اختلاف سید خورشید شاہ نے کہیا اے کہ مودی سرکاری ورگیاں 10 طاقتاں وی آ جان تے پاکستان دا کجھ نہیں وگاڑ سکدیاں‘ بھارت اک واری فیر پاکستان نُوں آزمانا چاہندا اے تے اسیں ایہدے لئی تیار آں‘ پاکستان دنیا نُوں محسوس کروائے جے جنگ ہوئی تے تیجی عالمی جنگ ہووے گی‘ پاکستان عالمی دہشتگردی دا مقابلا کر رہیا اے‘ اسیں دنیا نُوں محفوظ بنانا چاہندے آں‘ آرمی چیف جنرل راحیل شریف دی مدت ملازمت وچ توسیع دی لوڑ نہیں‘ ایم کیو ایم پاکستان کئی وار کَہ چُکی اسیں پاکستانی آں تے اوہناں دی گل مننی چاہیدی اے۔
سکھر وچ میڈیا نال گلبات کردیاں ہویاں خورشید شاہ دا کہنا سی کہ مودی سرکار ورگیاں 10 طاقاتاں وی آ جان تے پاکستان نُوں کوئی خوف نہیں اے‘ جنگ ہوئی تے ایہ تھرڈ ورلڈ وار وچ بدل جاوے گی۔ وزیراعظم نے کشمیر دا مسئلا موثر انداز وچ چُکیا‘ پاکستان وچ بھارتی مداخلت دا ذکر وی ہونا چاہیدا سی۔ خورشید شاہ دا کہنا سی کہ جنگ پاکستان تے بھارت دے حق وچ بہتر نہیں‘ بھارت کِسے وڈے ایجنڈے اُتے کم کرنا چاہندا اے‘ دنیا وچ کدھرے کوئی محدود جنگ نہیں اے تے جنگ ہوندی اے تے خطے نُوں تے دنیا نُوں خطرا لاحق ہووے گا۔
اوہناں نے کہیا کہ پاکستان دہشتگردی دا مقابلا کر رہیا اے‘ لوک شہید ہو رہے نیں‘ ساڈی فوج ضرب عضب دی صورت وچ دہشتگرداں دا مقابلا کر رہی اے۔ اوہناں دا کہنا سی کہ وزیراعظم نے کشمیر دا مسئلا موثر انداز وچ چُکیا‘ پاکستان وچ بھارتی مداخلت دا ذکر وی ہونا چاہیدا سی تے میاں صاحب نُوں اقوام متحدا جان توں پہلاں سیاستداناں نال بہنا چاہیدا سی۔
جنرل راحیل شریف دی توسیع توں متعلق گل کردیاں ہویاں اوہناں دا کہنا سی کہ اوہناں نے ملک وچ بہت عزت کمائی‘ آرمی چیف نُوں اپنی مدت ملازمت وچ توسیع دی ضرورت نہیں تے نہ ای فیلڈر مارشل دا تصور ہُن ہے۔ اوہناں نے کہیا کہ بھارت کِسے وڈے ایجنڈے اُتے کم کرنا چاہندا اے‘ عالمی قوتاں بھارت نُوں جارحانا اقدامات توں روکن کیوں جے جنگ ہوئی تے خطے تے دنیا نُوں خطرا لاحق ہووے گا ایس لئی پاکستان دنیا نُوں محسوس کروائے کہ جنگ ہوئی تے تیجی عالمی جنگ ہووے گی۔
اوہناں دا کہنا سی کہ مودی سرکاری کیہ ایہو جہیاں 10 سرکاراں وی پاکستان دا کجھ نہیں وگاڑ سکدیاں پر بھارت اِک واری فیر پاکستان نُوں آزمانا چاہندا اے تے اسیں تیار آں پر اوہنوں یاد رکھنا چاہیدا اے کہ جنگ دی صورت وچ بھارت نُوں بُہتا نقصان چُکنا پوے گا۔
