راہداری منصوبا بلوچستان دی تقدیر بدل دیوے گا: احسن اقبال

ْخضدار (پاکستان پوائنٹ نیوز۔22ستمبر 2016) وفاقی وزیر برائے ترقی تے منصوبا بندی احسن اقبال نے کہیا اے کہ بلوچستان دی ترقی حکومت دیاں بنیادی ترجیحات وچ شامل اے اقتصادی راہداری منصوبا بلوچستان دی تقدیر بدل دیوے گا ایہناں خیالاں دا اظہار بلوچستان وچ یونیورسٹی آف انجینئرنگ اینڈ ٹیکنالوجی خضدار وچ پڑھیاراں تے استاداں نال خطاب کردیاں ہویاں کیتا۔ اوہناں نے کہیا بلوچستان دیاں یونیورسٹیاں لئی ریکارڈ فنڈ فراہم کیتے جا رہے نیں۔ بلوچستان یونیورسٹی آف انجینئرنگ و ٹیکنالوجی نُوں صف اول دیاں یونیورسٹیاں بنایا جاوے گا۔ ایس موقع اُتے اوہناں نے 800 ملین رُپئے دے ترقیاتی منصوبے دا نینہ پتھر رکھیا جہدے وچ انتظامی بلاک‘ اکیڈمک بلاک‘ ہاسٹل تے لیبارٹریز اُسارے جان گے۔