اقتصادی ترقی بغیر قومی ترقی دا خاب شرمندا تعبیر نہیں ہو سکدا،کشمیر دی اخلاقی‘ سیاسی تے سفارتی حمایت جاری رکھاں گے: گورنر پنجاب

لاہور (پاکستان پوائنٹ نیوز۔22ستمبر 2016) گورنر پنجاب ملک محمد رفیق رجوانہ نے کہیا اے کہ اقتصادی ترقی دی منزل حاصل کیتے بغیر قومی ترقی دا خاب شرمندا تعبیر نہیں ہو سکدا ایہو وجہ اے کہ حکومت ملک وچ اقتصادی سرگرمیاں نُوں فروغ دین لئی سہولت کار دا کردار ادا کردیاں ہویاں نجی شعبے دی بھرویں حوصلا افزائی کر رہی اے۔ اوہناں نے کہیا کہ اقوام متحدا دی جنرل اسمبلی وچ وزیراعظم محمد نواز شریف دا خطاب نہ صرف کشمیریاں سگوں پاکستانی لوکائی دے جذبات دی وی عکاسی کردا اے‘ پاکستان مستقبل وچ وی کشمیری لوکائی دی اخلاقی‘ سیاسی تے سفارتی حمایت بھرویں طریقے نال جاری رکھے گا۔ ایہناں خیالاں دا اظہار اوہناں نے پاکستان پٹرولیم ڈیلر ایسوسی ایشن دے وفد نال گلبات دوران کیتا۔