لاہور(پاکستان پوائنٹ نیوز26۔اپریل2018ء) عمران خان نال اک وار فیر ہتھ ہو جائے گا۔ مشہور کالم نگار محمد بلال غوری دا کہنا اے کہ مینوں انج لگدا اے کہ اک وار فیر پی ٹی آئی چیئرمین عمران خان نال ہتھ ہو جائے گا جے اگلی حکومت پی ٹی آئی دی آ و ی گئی تے وزیر اعظم عمران خان نہیں ہون گے بلکہ صادق سنجرانی یاں عبدالقدوس بزنجو ورگا کوئی بندہ ہوئے گا۔ تفصیل مطابق مشہور کالم نگار محمد بلال دا اپنے کالم ’عمران خان سے پھر ہاتھ ہو جائے گا‘ وچ کہنا اے کہ قریبی حلقے دسدے نیں کہ ہن عمران خان دے وزیراعظم بنن دی راہ وچ کوئی رکاوٹ نہیں اے۔
پر پتا نہیں کیوں مینوں لگداے کہ ایس وار تحریک انصاف الیکٹیبلز دے زور اُتے الیکشن وچ پہلے توں ودھ سیٹاں لین وچ تے کامیاب ہو جائے گی تے ممکن اے کہ آؤندی حکومت پیپلز پارٹی تے پاکستان تحریک انصاف رلکے بنان۔تے اکثریتی جماعت ہون مگروں وی مسلم لیگ (ن) نوں کندھ نال لا دتا جائے پر وزیر اعظم عمران خان نہیں بلکہ کوئی عبدالقدوس بزنجو تے صادق سنجرانی ورگا بندا بنے گا ۔
