عمران علی نے شہباز شریف دا داماد بنن مگروں کِنی جائیداد بنائی؟تفصیلاں ساہمنے آ گئیاں

اسلام آباد(پاکستان پوائنٹ نیوز26۔اپریل2018ء) مشہور پرچا کار رؤف کلاسرا دا کہنا اے کہ عمران علی جو وزیر اعلا پنجاب شہباز شریف دا داماد اے اوہدیاں جائیداد بارے حیران کن تفصیلاں ساہمنے آئیاں نیں۔ رؤف کلاسرا دا کہنا اے کہ شہباز شریف دا داماد بنن توں پہلاں 2003وچ عمران علی دے والددیاں شاہ عالمی مارکیٹ وچ دو دُکاناں سن تے شہباز شریف دے داماد بنن مگروں اوہناں دے 3شاپنگ پلازے بن گئے جدکہ اک 22منزلا ’علی ٹریڈ سنٹر‘ اے ،ایس توں وکھ 20منزلا ’علی ٹاور‘ تے ’حسین کمپلیکس‘ وی اے۔ رؤف کلاسرا دا کہنا سی کہ اِنج لگدا اے کہ پاکستان بنیا ای ایہناں لوکاں لئی اے کیونکہ صرف 3دُکاناں رکھن والے ہن 3پلازیاں دے مالک بن گئے نیں۔