لاہور(پاکستان پوائنٹ نیوز26۔اپریل2018ء) سینئر پرچا کار حامد میر نے آکھیا اے کہ عمران خان اصل وچ خواجا آصف دی وکٹ ڈگن دی گل کر رہے سن، (ن) لیگ دی وڈی وکٹ ڈگن والی گل دا ایہ مطلب نہیں کہ چودھری نثار علی خان (ن) لیگ وچ شامل ہو رہے نیں، ایہ گل پی ٹی آئی دے لوکاں نے وی دسی کہ عمران خان خواجا آصف دی گل کر رہے نیں۔ نجی ٹی وی چینل نال گل بات کردے ہوئے سینئر پرچا کار حامد میر نے واضح کیتا کہ خواجا آصف دی نااہلی مگروں میری خواجا آصف نال گل ہوئی اے۔
خواجا آصف مطمن سن ۔خواجا آصف نے آکھیا کہ اوہدے وچ کسے نے کوئی کمائی نہیں کیتی۔ میں آپ دسیا اے کہ اقامہ اے۔ الیکشن کمیشن وچ 1991توں اقامہ تے باہرلے ملک سارے اکاؤنٹس ڈکلیئر کیتے ہوئے نیں۔ ایہ اقامہ وی الیکشن کمیشن نوں وکھایا ہویا اے۔ اوہناں نے آکھیا کہ اسلام آباد ہائی کورٹ دے فیصلے نوں سپریم کورٹ وچ چیلنج کر اں گا۔ حامد میر دا کہنا سی کہ خواجا آصف نے ساڈے پروگرام وچ دسیا کہ اقامہ کدی نہیں لُکایا۔
ایکشن کمیشن وچ کاغذات نامزدگی وچ وی خواجا آصف نے اقامے نوں ڈکلیئر کیتا۔ اوہناں نے آکھیا کہ عمران خان خواجا آصف دی وکٹ ڈگن دی گل کر رہے سن۔اوہناں دا کہنا سی کہ(ن) لیگ دی وڈی وکٹ ڈگن والی گل دا ایہ مطلب نہیں کہ چودھری نثار علی خان (ن) لیگ وچ شامل ہو رہے نیں۔ ایہ گل پی ٹی آئی دے لوکاں نے وی دسی کہ عمران خان خواجا آصف دی گل کر رہے نیں۔ چیتے رہوے کہ اج اسلام آباد ہائی کورٹ نے خواجا آصف خلاف فیصلا سُناندے ہوئے اوہناں نوں زندگی بھر لئی نااہل قرار دتا اے۔
