اسلام آباد(پاکستان پوائنٹ نیوز24۔اپریل2018ء) قومی ادارے نادرا نے شناختی کارڈ دیاں فیساں وچ 100فیصد وادھا کر دتا۔ تفصیل مطابق نادرا نے شناختی کارڈ دیاں فیساں وچ 100فیصد وادھا کر دتااے۔ نویاں فیساں بارے جاری ہون والے نوٹی فکیشن مطابق نویاں فیساں دا اطلاق فوری تے اج توں ای ہوئے گا۔ ایس حوالے نال ملک بھر دے نادرا دفتراں نوں دس دتا گیا اے۔ نوٹی فکیشن مطابق کمپیوٹرائزڈ شناختی کارڈ دی ارجنٹ فیس 500رُپئے توط ودھا کے 1150رُپئے کر دتی گئی اے۔
سمارٹ کارڈ دی نارمل فیس 300توں ودھا کے 750رُپئے تے ارجنٹ فیس 750رُپئے ودھا کے 1500رُپئے کیتی گئی اے ایس توں وکھ سمارٹ دی تجدید دی فیس وچ وی وادھا کیتا گیا اے۔ نارمل شناختی کارڈ دی فیس 200رُپئے توں ودھ کے ہن 400رُپئے تے 1600رُپئے وچ بنن والا ایگزیکٹو شناختی کارڈ ہن 2500رُپئے وچ بنے گا جدکہ اورسیز پاکستانیاں دے شناختی کارڈاں دیاں فیساں وچ کُجھ سو رُپئے کمی کیتی گئی اے۔ شناختی کارڈ دیاں فیساں ودھان دی منظوری گزٹ آف پاکستان نے دتی اے۔
